- XII -
Hoxe ou mañán, ¿quen pode decir cando?
Pero quisais moi logo,
viranme a despertar, i en vez dun vivo,
atoparán un morto.
Ó rededor de min levantaranse
xemidos dolorosos,
aies de angustia, choros dos meus fillos,
dos meus filliños orfos.
I eu sin calor, sin movemento, fría,
muda, insensibre a todo
así estarei cal me deixare a morte
ó helarme co seu sopro.
E para sempre iadios, canto eu quería!
¡Que terrible abandono!
Antre cantos sarcasmos
hai, ha de haber e houbo,
non vin ningún que abata máis os vivos
que o da humilde quietú dun corpo morto.
Hoxe ou mañán, quen pode decir cando?
Posted by admin on Xuño 17, 2009
http://bitaculas.as-pg.gal/literaria/2009/06/17/hoxe-ou-manan-quen-pode-decir-cando/
Previous Post
Cando un é moi dichoso, moi dichoso
Cando un é moi dichoso, moi dichoso
Next Post
Xa nin rencor nin desprezo
Xa nin rencor nin desprezo
Comments are closed.