Cada noite eu chorando pensaba...
que esta noite tan grande non fora,
que durase... e durase antre tanto
que a noite das penas
me envolve loitosa.
Mais a luz insolente do día,
costante e traidora,
cada amañecida
penetraba radiante de groria
hastra o leito donde eu me tendera
coas miñas congoxas.
Desde estonces busquei as tiniebras
máis negras e fondas,
e busqueinas en vano, que sempre
tras da noite topaba ca aurora...
So en min mesma, buscando no oscuro
i entrando na sombra,
vin a noite que nunca se acaba
na miña alma soia.
Cada noite eu chorando pensaba…
Posted by admin on Setembro 30, 2009
http://bitaculas.as-pg.gal/literaria/2009/09/30/cada-noite-eu-chorando-pensaba/
Previous Post
¡Corré, serenas ondas cristaíñas,
¡Corré, serenas ondas cristaíñas,
Next Post
Ti onte, mañán eu
Ti onte, mañán eu
Comments are closed.