Teño un mal que non tén cura,
un mal que naceu comigo,
i ese mal tan enemigo
levarame á sepultura.
Curandeiros, ceruxanos,
dotores en medeciña,
pra esta infirmidade miña
n'hai remedio antre os humanos.
Deixá, pois, de remexer
con concencia ou sin concencia,
os libros da vosa cencia,
pois para min n'han de ter.
¿Que o dudás? Duda non cabe
nesto que digo, doutores,
anque pese, hai amargores
que non pasan con xarabe.
¿Asañasvos porque digo
verdás que sabés de sobra?
Pois a probar... mans á obra:
vede de curarme, amigo.
O meu mal i o meu sofrir
é o meu propio corazón:
¡quitaimo sin compasión!
Despois: ¡faceme vivir!
Teño un mal que non ten cura
Posted by admin on Xaneiro 5, 2011
http://bitaculas.as-pg.gal/literaria/2011/01/05/teno-un-mal-que-non-ten-cura/
Previous Post
– Premita Dios que te vexas
– Premita Dios que te vexas
Next Post
Sarna con gusto non pica
Sarna con gusto non pica
Comments are closed.