Feb 062009
 

Ollade esa antroidada: son galegos,
xente do pobo, sinxela e moi normal.
Olládeos, como un fato de borregos,
falando o seu castrapo “tipical”.

Esprésanse nunha estrana xerigonza,
van falando un idioma que non hai.
E sinten fondo reparo, gran vergonza,
en falar, como é debido, a fala nai.

Ollade ós moi paletos e cretinos
ladrando o seu castrapo por aí,
intentando ser lidos, cultos, finos
imitando ós “castizos” de Madrí.

Eles, probes, non poden ser culpados
polo seu idioma, tristeiro i anormal.
A culpa é de quen di: “Sede educados,
que falar galego está moi mal…”

Manuel María (2001) Obra poética completa I (1950-1979) (A Coruña: Espiral Maior)

Milladoiro

 Posted by at 19:51

  2 Responses to “Canción pra cando se escoita falar castrapo. Manuel María”

  1. gaLegO sempre…jajaja

  2. Un pobo que se avergonza do que fala e non defende ou síntese orgulloso de quen é,non é pobo, nin persoa é cobarde e miserento. hai daqueles que renegan de miles e mileiros anos de linguaxe, serán eles que desaparezan do corazón de futuras xeracións.
    Sempre Galiza, sempre galego.

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)