Luísa Sorriso. Ricardo Carvalho Calero.

Sorri-me, Luísa Sorriso.
Sempre ela está silenciosa,
pra non desfacer, falando,
o triángulo da sua boca.
Qué ben debe de saber
a améndoa da tua faciana,
mollada en mel do teu pelo.
¿Deixas-me probá-la?
Pero ti, sempre a sorrir,
calas.
Como unha fotografía
de ti mesma, silenciosa.
pra non desfacer, falando,
o triángulo da tua boca.
O triángulo da tua boca
forman-no duas gueivotas.
Duas, voadoras
e roxas.
Por un ceu de nubes brancas
e rosa,
voan,
unha porriba da outra.
Polo ceu da tua faciana.
Unha paira;
a outra
leva ergueitas as asas.
Paxareiro é o teu siléncio,
Luísa Sorriso, que as garda.
O cazador dunha verba
pode matá-las.

Carvalho Calero, R. (1934) O silencio axionllado

Thetetas Van

5 replies on “Luísa Sorriso. Ricardo Carvalho Calero.”

  1. Unha grande descuberta todas as versións musicadas dos poemas de Carvalho Calero.
    Moitas grazas por continuar con esta magnífica iniciativa de Xoán Díaz, hoxe e sempre entre nós.

  2. Pilar Vázquez Franco on

    Unha grande descuberta todas as versións musicadas dos poemas de Carvalho Calero.
    Moitas grazas por continuar con esta magnífica iniciativa de Xoán Díaz, hoxe e sempre entre nós.

  3. José Ángel Sánchez García (IES David Buján, Cambre) on

    Moitas grazas por manter vivo o legado de Xoán e facelo medrar. Parabéns e Feliz día das Letras! Obrigado.

  4. Francisca Loira on

    Gostei de todos os poemas musicados na honra de Carvalho!
    A mellor homenaxe a Xoán é continuar coa súa iniciativa, grazas!

  5. Anabel Mosteiro Sánchez on

    Prezado tesouro herdaron as nosas letras grazas a Carvalho Calero. Hoxe é un gran día para render homenaxe ao seu importante labor e compromiso coa nosa cultura. Que mellor maneira que a través desta interesante iniciativa! Gostei inmensamente de descubrir a súa obra e poder acceder ás versións musicadas. Moitas grazas. Un cordial saúdo.

Deixa una resposta a Francisca Loira Cancelar a resposta

O teu enderezo electrónico non se publicará Os campos obrigatorios están marcados con *