Buenos Aires. Ricardo Carvalho Calero.
Buenos Aires,
A rua da Florida.
Unha negra pequena, mui formoso vestida.
Que chocolate, para merenda de brancos.
¿Quen é o teu amo?
Escrava de pasadas de raíña,
Nos teus beizos de grosella jaz o selo
Do teu lume de trebón e manígua
Luxosísima estrela de ébano na noite nídia.
A doce anja de ceu, de sol, de nácar
Perante a tua finura é ordinaria.
O estancieiro no leito de quen te estilicas,
Marcou-te co seu ferro, juvenca elegantísima.
Que ídolo de trebas sibilinas
Para unha procesión de días alapados.
Dos teus altos cadris cai sobre o asfalto
A música ondulante das flautas serpentinas.
Se queres escoitar esta versión, preme aquí