Cruzando a ria. Ricardo Carvalho Calero
Cruzando a ria
pola ponte das Pias,
se os obreiros de Astano
nom cortarom o tráfico,
entrarei em Ferrol, a minha terra.
Se o cortarom, daquela,
hei tomar o caminho antergo,
e passar por Narom, pé do mosteiro
de Sam Martinho,
polos eidos de Esquio.
De um jeito ou outro,
hei de entrar no meu povo,
para ver se tropeço
nunha rua qualquer de Ferrol Velho
será a de Sam Francisco, a do Socorro?-
com o neno que fum e que foi outro;
aquel que fum e que nom fum entom,
quando eu non era o velho que hoje som
Carvalho Calero, R. (1990) Reticências.
Se queres escoitar a versión de Santiago Ferragud, preme aquí.