Canzón pra que un neno non durma. Luís Pimentel.
Canzón pra que un neno non durma
Ao meu gran amigo Piñeiro
Non durmas
meu neno pequeno…
Bule, berra, chora.
Teu pai está fóra.
Racha cos pes
esta sábana
de medo.
Non peches os ollos
neno pequeño.
O vento zoa,
non peches os ollos.
A morte
ronda por fóra.
Vexo o río mouro
e unha folla morta.
Bule, berra, chora.
Teu pai está fóra.
Pimentel, L (1950), Triscos.
Versión de Gelria
Versión de Víctor Aneiros
Versión de Real Filharmonía de Galicia, Teresa Berganza & Antón García Abril