[\u2026] a honestidade, o teatro, o desexo, a recalificaci\u00f3n
\nda realidade, a xeraci\u00f3n abandonada, o jazz
\nno Plaza Hotel \u2014New York City\u2014, a operaci\u00f3n de asalto,
\nas historias, a froita de tempada, a froita de \u00f3so,
\nas cousas da lealdade, o significado, a primeira li\u00f1a
\nda Internacional, o reloxo, o curso dos acontecementos,
\no terror vermello, o \u00e1mbito, a Gran M\u00fasica Negra,
\na naci\u00f3n, a cr\u00f3nica, o espect\u00e1culo, as \u00e1ncoras,
\no te saber, o catastro, a listaxe da compra, a
\nhexemon\u00eda da clase dominante, o urso de Moscova,
\na biblioteca, o tratado polo que se estabelece unha constituci\u00f3n
\npara Europa, os ollos m\u00e1is bonitos da Monta\u00f1a,
\no lique no muro, o suxeito hist\u00f3rico, a fame,
\na terra \u2014pero a terra\u2014, o subdesenvolvemento,
\no concerto de Olatunji, o mes, os amigos f\u00f3ra, a tensi\u00f3n,
\no noso movemento, o arfares, a ma\u00f1\u00e1, a esquina
\ndo barrio, a doutrina, o ataque preventivo,
\nos autobuses, as estaci\u00f3ns de autobuses, a rep\u00fablica
\npopular, o territorio inventado, as ru\u00ednas, o caf\u00e9, o
\npatrimonio dos insectos, o insomnio, os afectos escollidos,
\na nosa causa, a humidade, o que fagas, o que digas, o m\u00e9todo
\ne o discurso, o domicilio social, as necesidades non o beneficio,
\na expresi\u00f3n, o mel, o sal e o leite si, a vitoria
\ndas sabas enredadas, a guerra global permanente,
\nas augas, o neutro, a materia prima, a alma tam\u00e9n,
\no cami\u00f1o cara a ti, o voo do reise\u00f1or, a pol\u00edtica reformista,
\nos temores, as alfaias da primavera, a xoia da coroa,
\nas follas secas abof\u00e9, o socialismo ou a barbarie, as coxas
\ndos mellores d\u00edas, os orzamentos, a pel de teu, a reconciliaci\u00f3n,
\nos outros europeos, a sociedade opulenta, as alfombras,
\no turismo rural, o non lugar, o pensamento luminoso
\nde Marx \u2014Ferr\u00edn\u2014, o pensamento inevit\u00e1bel de Marx
\n\u2014Sartre\u2014, a poes\u00eda constitucional, a tristura, os compa\u00f1eiros,
\na agricultura posprodutivista, o non, o principio de
\ngravitaci\u00f3n universal, o estado e a revoluci\u00f3n,
\nas derrotas todas, a conversa sen papeis, a NATO, a
\ndemocracia de baixa intensidade \u2014Domingos Antom\u2014,
\nos laboratorios de poder, o non, a sensibilidade no que
\napalpas, o qu\u00e9 facer, a fraternidade, a fraternidade,
\na fraternidade, a fraternidade [\u2026]<\/p>\n\n\n\n
Salgado, D. <\/a>(2007), Os poemas de como se rompe todo<\/em> <\/p>\n\n\n\n