{"id":380,"date":"2009-05-14T19:22:00","date_gmt":"2009-05-14T17:22:00","guid":{"rendered":"http:\/\/bitaculas.as-pg.gal\/sondepoetas\/2009\/05\/14\/deitado-frente-ao-mar-celso-emilio-ferreiro\/"},"modified":"2021-11-03T22:00:37","modified_gmt":"2021-11-03T21:00:37","slug":"deitado-frente-ao-mar-celso-emilio-ferreiro","status":"publish","type":"post","link":"https:\/\/bitaculas.as-pg.gal\/sondepoetas\/2009\/05\/14\/deitado-frente-ao-mar-celso-emilio-ferreiro\/","title":{"rendered":"Deitado frente ao mar… Celso Emilio Ferreiro"},"content":{"rendered":"
\u00a0<\/div>\n

Lingoa proletaria do meu pobo
eu f\u00e1loa porque s\u00ed, porque me gosta,
porque me peta e quero e dame a ga\u00f1a
porque me sai de dentro, al\u00e1 do fondo
dunha tristura aceda que me abrangue
ao ver tantos patufos desleigados,
pequenos mequetrefes sin ra\u00edces
que ao p\u00f3r a garabata xa nan saben
afirmarse no amor dos devanceiros,
falar a fala nai,
a fala dos ab\u00f3s que temos mortos,
e ser, co rostro erguido,
mari\u00f1eiros, labregos do lingoaxe,
remo i arado, proa e rella sempre.<\/p>\n

Eu f\u00e1loa porque s\u00ed, porque me gosta
e quero estar cos meus, coa xente mi\u00f1a,
perto dos homes bos que sofren longo
unha historia contada noutra lingoa.<\/p>\n

Non falo pra os soberbios,
non falo pra os ru\u00eds e poderosos,
non falo pra os finchados,
non falo pra os valeiros,
non falo pra os est\u00fapidos,
que falo pra os que agoantan rexamente
mentiras e inxusticias de cot\u00edo;
pra os que s\u00faan e choran
un pranto cotidi\u00e1n de volvoretas,
de lume e vento sobre os ollos n\u00faos.
Eu non podo arredar as mi\u00f1as verbas
de t\u00f3dolos que sofren neste mundo.
E ti vives no mundo, terra mi\u00f1a,
berce da mi\u00f1a estirpe,
Galicia, doce m\u00e1goa das Espa\u00f1as,
deitada rente ao mar, ise cami\u00f1o…<\/p>\n

Celso Emilio Ferreiro (1978): Obra completa, I (Madrid: Akal editor)<\/p>\n

Dios Ke Te Crew<\/a> \"\"<\/p>\n

\u00a0<\/p>\n\n\n

\n