As Curtas gañadoras do VIII Certame de Curtas da AS-PG son:
MELLOR CURTA VIII EDICIÓN
Primeiro Premio para Memoria na pedra, de Paco Paz e Lucien Petitjean.
Segundo Premio para Lembrar, de Diego Pazó.
MELLLOR CURTA CATEGORÍA CENTROS DE ENSINO
Primeiro Premio a Dióxenes, de Antón Etxeita Figueroa e Pablo Pazos Dominguez. IES Xelmirez II.
Segundo Premio a Fals’e traedor, CEIP Do Carballal de Marín.

Curtas admitidas a concurso:
CATEGORÍA CENTROS DE ENSINO
1. A galiña azul, CEE Vilagarcía de Arousa
2. A muller que vivía no futuro, IES Xelmirez II
3. Cartas de inverno, de Alicia Martínez Gamallo e Uxía Martínez González. IES Xelmirez II
4. Casares-Tón, CEIP Do Carballan de Marín
5. Dióxenes, de Antón Etxeita Figueroa e Pablo Pazos Dominguez. IES Xelmirez II
6. Estou contigo, de Iria Insua. IES Xelmirez II
7. Fals’e traedor, CEIP Do Carballal de Marín
8. Penúltimas tendencias, de Iria Insua. IES Xelmirez II
9. Calendario do refraneiro galego, de Estíbaliz Ríos e Pepa García. Colexio Plurilingüe Vilas Alborada
10. Rosaliando, CEIP Plurilingüe A Pedra- Bueu
11. Xa non teño medo, CEIP Do Carballal de Marín

CATEGORÍA MELLOR CURTA VIII EDICIÓN
1. Da saudade, de Antón Varela
2. Estruturas. Unha guerra da que non falamos, de Paco Gallego e Xosé Bocixa
3. “Instrucciones para empezar a hablar gallego”, de Matías Nicieza
4. Lembrar, de Diego Pazó
5. Memoria na pedra, de Paco Paz e Lucien Petitjean
6. Mofa, de Lucía Estévez
7. O castiñeiro morto, de D. D. Docampo

A partir do 15 de novembro daranse a coñecer as obras finalistas.

Comisión organizadora:

Mª dos Anxos González Refoxo, Carme Vilariño Vilariño, Xoán Xosé Costa Casas.

O xurado do VII Certame de Curtas para Rosalía, reunido o 6 de maio, acordou por unanimidade declarar finalistas desta edición:

A) Categoría mellor curta VII edición

. Teito de cristal, Álvaro Liste Fernández

. Es, Miriam Rodríguez

. Rosalía, Rosa Taboada

B) Categoría Centros de Ensino

.A grasia non era moita, CPI Progreso de Catoira (10 de xuño de 2016)

. No bico un cantar, CPI Progreso de Catoira (8 de xuño de 2016)

. Has de cantar, CEIP Bormoio – Agualada

O acto de entrega de premios será o 27 de xuño ás 17:30h no CGAI ( Durán Loriga 10, A Coruña).

BASES DO VII CERTAME  Curtas para Rosalía

1.-  ORGANIZACIÓN

O Certame de curtametraxes “Curtas para Rosalía” é un evento organizado e xestionado pola Asociación Socio-Pedagóxica Galega (www.as-pg.gal). Con tal motivo a AS-PG designará unha Comisión Organizadora encargada de recepcionar as obras, avaliar a súa adecuación ás bases, promocionar o certame e organizar as galas de entrega de premios e, se for o caso, resolver e decidir sobre calquera outro aspecto non previsto nas presentes bases. Así mesmo, a AS-PG designará un Xurado que estará formado por persoas relevantes do mundo da cultura galega e do audiovisual. Tanto a composición da Comisión Organizadora como a do Xurado faranse públicos no enderezo web : http://bitaculas.as-pg.gal na entrada Curtas para Rosalía. Ningún dos membros do xurado nin da Comisión organizadora poderán participar no Certame. Nesta VII edición o Certame “Curtas para Rosalía” conta coa colaboración  do Concello da Coruña.

2.-  TEMÁTICA

A primeira edición deste certame tivo como motivo central a figura de Rosalía de Castro no 125 aniversario do seu falecemento. No 2013 celebramos o 150 aniversario da publicación de Cantares Gallegos (Vigo 1863), obra fundacional do Rexurdimento das letras galegas.

Resulta evidente que as potencialidades que se agochan na obra de Rosalía deben seguir sendo descubertas xa que o mundo rosaliano é aínda un mundo revelador e con propostas clarificadoras para hoxe. Sendo Rosalía de Castro a figura máis representativa da Literatura Galega, desde a organización deste certame entendemos que homenaxear a Rosalía é homenaxear e divulgar a Literatura Galega. Polo tanto aquelas persoas que queiran presentar obras a este certame poderán facelo atendendo a un dos seguintes criterios:

1.- Obras cuxa temática xeral sexa a persoa de Rosalía de Castro, as súas obras ou algún elemento que destaque a súa vida, traballo ou calquera outro punto de interese da escritora como tal ou do seu contorno.

2.- Obras cuxa temática se centre, interprete ou explore calquera texto de calquera época da Literatura Galega ou da súa tradición oral.

3º NORMAS DE PARTICIPACIÓN

1. Poderán optar aos premios as curtas rodadas en calquera sistema de gravación (cine, vídeo, outros), inéditas ou que fosen estreadas entre o 1 de xaneiro de 2015 e o 10 de maio de 2017.

2. As obras presentadas terán que ser presentadas en soporte DVD  e recepcionadas antes das 14 horas do día 10 de maio no local da AS-PG, enderezo postal que figura no apartado 4 destas bases, acompañadas da documentación que neste mesmo apartado 4 se solicita.

3. A duración non excederá en ningún caso os 30 minutos, créditos incluídos.

4. O idioma (audio e texto) das obras presentadas será o galego, non admitíndose ningún outro agás para a incorporación de textos de Rosalía. Neste caso poderá incorporarse no idioma en que foron redixidos.

5. Cada participante poderá presentar un máximo de tres obras.

6. As obras presentadas deberán ir acompañadas da súa correspondente ficha de inscrición (anexo 1), xunto coa fotocopia de DNI da persoa de representación da curtametraxe e fotocopia de DNI do realizador ou realizadora ou director ou directora da obra.

7. No web da AS-PG, no espazo: http://bitaculas.as-pg.com, serán publicadas as curtas admitidas a concurso. Así mesmo, serán publicadas as obras finalistas en cada categoría. As obras admitidas poderán ser emitidas naqueles actos organizados para a promoción do festival, sempre sen ánimo de lucro.

8. Categorías.

Somos conscientes que o mundo do ensino se está a vencellar cada vez máis con este certame e desde a AS-PG pretendemos facer aínda máis visíble o traballo que desde os Centros de Ensino se está a levar en soporte audiovisual. Por este motivo nesta VII edición do Certame contemplamos dúas categorías, unha delas é especificamente para curtas elaboradas por Centros de Ensino. Así convocamos:

a) Categoría mellor Curta da VII edición.

b) Categoría mellor Curta VII edición de Centros de Ensino.

A mesma Curta só poderá participar nunha única categoría que será indicada na ficha de inscrición.

O xurado designará  un máximo de tres obras finalistas, en cada unha das categoría. Entre eses finalistas estará a gañadora.

9. As obras gañadoras daranse a coñecer na Gala de entrega de premios que terá lugar a primeiros de xuño. Data e lugar serán publicados na páxina web da AS-PG. Nesta Gala é obrigada a presenza, en representación das obras, dalgún dos membros das curtas finalistas. A non presentación será motivo da perda do importe económico do premio (no caso de a obra resultar premiada), mais non do premio en si.

10. Responsabilidades legais. O/a concursante será único responsable da súa curtametraxe. A organización do certame declina toda a responsabilidade da curta e o seu contido sobre o/a participante.

11. O material enviado ao inscribirse non será devolto.

4º INSCRICIÓN

A inscrición será realizada polo director, directora, produtor, produtora ou calquera membro responsábel da obra que pretenda concursar, e constará de dúas fases:

1.- Na primeira fase o director/a, produtor/a ou calquera membro responsábel da obra, enviará un correo electrónico a informacion@as-pg.com en que constará nome e apelidos e contacto (teléfono e correo electrónico) e manifestará a intención de participar no certame. Esta preinscrición, que é gratuíta, haberá de se facer antes do 1 de febreiro de 2017, e ten como finalidade poder comunicar calquera modificación, ampliación ou variación dalgún dos conceptos que aparecen nestas bases, tal e como se recolle na base 7.

2.- Na inscrición e recepción definitiva, até as 14 horas do 10 de maio de 2017, os/as participantes deberán enviar a seguinte documentación:

* DVD (en formato dvd_vídeo, .mov, ou mp4) con copia do filme ou filmes que optan ao certame.

* Ficha de inscrición (Anexo 1) con todos os campos cubertos. No caso de presentar máis dunha obra deberá enviar tantas fichas como obras.

* Fotocopia do DNI da persoa que representa a obra.

* Fotocopia do DNI do realizador ou realizadora ou director ou directora da obra.

Os traballos deberán enviarse ou presentarse no seguinte enderezo:

Asociación Socio-­Pedagóxica Galega

“ VII Certame Curtas para Rosalía”

Rúa Laracha, 9 ­baixo

15010 A Coruña

Os gastos de envío das obras presentadas correrán a cargo dos participantes.

Se desexas participar podes baixar aquí a ficha de inscrición: inscricion

5º. XURADO

A AS-PG, como entidade organizadora deste evento, nomeará un xurado encargado de valorar as obras. O xurado estará composto por persoas de recoñecido prestixio no mundo da cultura e do audiovisual. No seu momento publicarase na páxina web da asociación a relación de membros do xurado. O ditame do xurado será inapelable.

6º PREMIOS

Categoría mellor Curta da VII edición

–          1º Premio da VII edición de Curtas para Rosalía dotado de 1.000€ + Diploma.

–          2º Premio da VII edicións de Curtas para Rosalía dotado de 500€ + Diploma.

Categoría mellor Curta VII edición de Centros de Ensino

–          1º Premio á mellor curta da VII edición presentada polos Centos de Ensino dotado de 1.000€ + Diploma.

–          2º Premio á mellor curta da VII edición presentada polos Centos de Ensino dotado de 500€ + Diploma.

7º RESPONSABILIDADE

A participación neste certame supón a aceptación plena destas bases por parte de cada participante. Calquera cuestión referida á interpretación e aclaración das bases corresponde á Organización, non cabendo contra ela ningunha reclamación.

A Coruña, 2 de novembro de 2016