Damos a coñecer as unidades creadas pola AS-PG e a CIG Ensino para este 8 de marzo.
Mar 052023
Dec 272022
A Asociación Cultural Alexandre Bóveda e a AS-PG ofrecen o seu calendario para este novo ano.
Está dedicado ao centenario dunha empresa científica xigantesca, o SEMINARIO DE ESTUDOS GALEGOS.
O 12 de outubro de 1923 estudantes e profesores da Universidade de Santiago de Compostela fundan, na casa na que vivira Rosalía de Castro en Ortoño, o Seminario de Estudos Galegos (SEG). O SEG nace co obxectivo de elevar o nivel da cultura galega e equiparala ás demais culturas europeas; estruturouse en varias seccións dirixidas por cadanseu coordinador: Filoloxía, Arte e Letras, Etnografía, Historia, Prehistoria, Xeografía, Historia da Arte, Historia da Literatura, Pedagoxía, Ciencias Aplicadas, Ciencias Naturais e Ciencias Sociais, Xurídicas e Económicas.
O SEG, que integraría a grande parte da intelectualidade galeguista, chegou a ter cincocentos asociados. Iniciaría estudos en campos en que apenas había nada até ese momento, como o da matemática, a química, a astronomía ou a economía.
O SEMINARIO DE ESTUDOS GALEGOS acabaría, de xeito dramático, co golpe de estado fascista de xullo de 1936.
Pode ser impreso e difundido.
Medre a lingua galega en 2023!
Dec 212022
O xurado do XII Certame de Curtas da AS-PG, convocado pola Asociación Socio-Pedagóxica Galega (AS-PG) en colaboración coa Deputación da Coruña coa finalidade de explorar e divulgar a Literatura Galega a través do cinema, formado por:
José Manuel Sande, crítico de cine e escritor cinematográfico
José María Rodríguez Armada, Proxeccionista e Arquiveiro da Filmoteca de Galicia
Anxa González Refoxo, catedrática de Lingua e Literatura Galega, escritora e guionista
Acordou por unanimidade declarar gañadoras da XII edición do Certame:
Na categoría Mellor Curta da XII edición:
1º Premio
Barroco, de Toño Chouza
2º Premio
III Marías, de Andrea Bouzo
Na categoría Centros de Ensino da XII edición:
1º Premio
22 mans, de Noelia Papín e Luísa Treviño do C.P.R. San Fermín Padres Somascos (Caldas de Reis)
2º Premio
O rexurdir das cinzas, de Elsa Fernández López e Uxía Veiga López do IES de Arzúa
Xustificación dos premios
Categoría xeral
1º premio
Por un suxerinte texto de construción poética, acertada musicalidade, simbólica e estimulante variedade de imaxes, unha sutileza na exposición de percepcións e evocacións persoais que deixa pegada e incita á lectura
O 1º premio é para:
Barroco, de Toño Chouza
2º Premio
Por unha intelixente e elegante realización cinematográfica da vivencias de tres mulleres en tres momentos diferentes da vida que enmarca o potente poema de Olga Novo
O 2º Premio é para
III Marías, de Andrea Bouzo
Categoría Centros de Ensino
1º Premio
Por apresentar unha experiencia de convivencia e coralidade, non exenta de simbolismo, nun labor pedagóxico co texto literario que estiliza e consegue de xestos cotiáns unha dimensión artística.
O 1º Premio é para
22 mans, de Noelia Papín e Luísa Treviño do C.P.R. San Fermín Padres Somascos (Caldas de Reis)
2º Premio
Pola valentía e esforzo nunha obra con fins didácticos, informativa e comprometida mirada dos máis novos sobre a lingua nesta peza deseñada como unha polifonía de voces da súa convivencia diaria.
O 2º premio é para:
O rexurdir das cinzas, de Elsa Fernández López e Uxía Veiga López do IES de Arzúa
A Coruña, decembro de 2022
Dec 212022
ACTA DO XURADO
II CONCURSO COREOGRAFÍATE 2022
O xurado do Concurso COREOGRAFÍATE, convocado pola Asociación Socio-Pedagóxica Galega (AS-PG) en colaboración coa Deputación da Coruña, nun apoio á música realizada en galego como forma de comunicación e divulgación da lingua e música galega, formado por:
• Sofía Espiñeira López, cantautora, bailarina e actriz.
• Xiana Vilas Castro, coreógrafa, bailarina e docente.
Acordou por unanimidade declarar gañadoras desta II edición do Concurso
• Categoría xeral Mellor Coreografía.
1º PREMIO: “A tódalas mulleres” – Aida Pérez Fernández
2º PREMIO: “Nin ti nin eu” – Luz de la Iglesia García e Johanna Hesse
• Categoría Mellor Coreografía Centros de Ensino
1º PREMIO: “Danza maldita de Ponzós” – CEIP de Ponzós
2º PREMIO: “Movémonos contra a violencia de xénero” – IES Santiago Basanta Silva
Dec 022022
Nov 302022
O xurado do XII Certame de Curtas da AS-PG, convocado pola Asociación Socio-Pedagóxica Galega (AS-PG) coa finalidade de explorar e divulgar a Literatura Galega a través do cinema, formado por
- José Manuel Sande, crítico de cine e escritor cinematográfico
- José María Rodríguez Armada, Proxeccionista e Arquiveiro da Filmoteca de Galicia
- Anxa González Refoxo, catedrática de Lingua e Literatura Galega, escritora e guionista
Acordou por unanimidade declarar finalistas da XII edición do Certame:
- Na categoría Mellor Curta da XII edición
Barroco,de Toño Chouza
III Marías, de Andrea Bouzo
Tan lonxe, tan preto,de Omar Rabuñal Varela
- Na categoría Centros de Ensino da XII edición
O rexurdir das cinzas, de Elsa Fernández López e Uxía Veiga López do IES de Arzúa
22 mans, de Noelia Papín e Luísa Treviño do C.P.R. San Fermín Padres Somascos (Caldas de Reis)
A entrega de premios terá lugar o día 16 de decembro ás 18:00h no Centro Galego de Artes da Imaxe (CGAI) situado na rúa Durán Loriga, 10 na Coruña.
Set 142022
Set 142022
Set 142022
Ficha de inscrición da categoría Xeral.
Ficha de inscrición da categoría Centros de ensino.
Organizado pola AS-PG en colaboración coa Deputación da Coruña.
Xuñ 192022
O 20 de xuño, abriremos a matrícula dos seguintes cursos de formación programados para o primeiro trimestre do vindeiro curso académico:
Do 26 de setembro ao 21 de outubro
- Novos currículos, programacións e avaliación. Secundaria.
- Novos currículos, programacións e avaliación. Primaria.
- Unha primeira ollada á acción educativa española no exterior. Unha oportunidade de educar polo mundo.
Do 25 de outubro ao 18 de novembro
- Elaboración de gamificacións e outros recursos interactivos con Quizziz, Educaplay, Live Worksheets e outras ferramentas.
- Coidado da voz para docentes. Achegas didácticas.
- Ferramentas teatrais na educación. Propostas didácticas.
Do 22 de novembro ao 19 de decembro
- TDAH na escola. Preguntas frecuentes e respostas didácticas.
- Portugués avanzado para docentes.
- Estratexias didácticas para traballar a diversidade afectivo-sexual e de xénero nos centros de ensino.
Cursos presenciais:
A Coruña
- Orientación para a fase de prácticas. Elaboración de memoria. 24 de setembro
Compostela
- Orientación para a fase de prácticas.Elaboración de memoria. 24 de setembro
- II Xornadas de historia de Galiza. A nosa historia facémola nós. 22 de outubro
Pontevedra
- XXXIV Semana da Educación de Pontevedra. Do 21 ao 24 de setembro
- Orientación para a fase de prácticas.Elaboración de memoria. 1 de outubro
Vigo
- Paseos Pedagóxicos de Vigo 2022 8, 10, 15, 17 e 24 de setembro.
- Orientación para a fase de prácticas.Elaboración de memoria. 8 de outubro
Ourense
- Orientación para a fase de prácticas. Elaboración de memoria. 8 de outubro
Lugo
- Orientación para a fase de prácticas.Elaboración de memoria. 24 de setembro
Ferrol
- Orientación para a fase de prácticas.Elaboración de memoria. 1 de outubro
A Mariña
- Orientación para a fase de prácticas. Elaboración de memoria. 1 de outubro
O Morrazo
- Orientación para a fase de prácticas. Elaboración de memoria. 1 de outubro
