patriciavarela

Dec 192020
 

Na AS-PG sentímonos moi orgullosas deste proxecto, que continúa os que levamos feito desde o ano 2005. As familias son un elemento importante para a educación das nenas e dos nenos. Así tamén o considera a Deputación de Lugo, con cuxa vicepresidenta, Maite Ferreiro, realizamos e presentamos o proxecto esta semana.

Unha asociación como a nosa non podía deixalas á parte e, é por este motivo, que levamos moitos anos traballando para as axudar.

Desta volta, contamos con profesionais recoñecidas que nos achegan o seu punto de vista sobre os temas propostos.

Os vídeos realizados pódense ver todos nesta lista de Youtube:

Dec 092020
 

No día de hoxe fixemos un acto no CGAI que emitimos en streaming. Visionamos as curtas finalistas e a continuación, demos lectura á xustificación do fallo do xurado que vos achegamos neste artigo. 

Categoría xeral: 

1º premio:

ZONAS DE TRÁNSITO  de Marcos Nine

2º premio:

CATRO ESCENAS DUNHA VILA de Xoán Fernández  

Categoría Centros de ensino

1º premio:

CARVALHO CALERO. LETRAS GALEGAS 2020  do IES ARZÚA


2º premio: 

FIESTRA Ô MAR E Â CIBDADE. CARVALHO CALERO  do IES MARÍA SOLIÑO 

Accésit:

CATOIRA STYLE do CPI PROGRESO-CATOIRA 

Xustificación do xurado formado por 

  • Roi Carballido, produtor Filmika Galaika
  • Anxa González Refoxo, catedrática de Lingua e Literatura Galega e guionista
  • José María Rodríguez Armada, proxeccionista e  restaurador no CGAI-Filmoteca de Galicia

Categoría Mellor Curta da X edición 

Pola combinación de recursos audiovisuais na transmisión do relato que con elementos das vangardas históricas cinematográficas na imaxe e as vangardas de hoxe no seu espazo sonoro, constrúe un bucle onírico de atmosfera perturbadora que nos transporta ao centro mesmo dunha dimensión que abeira o límite dos soños e a realidade.

 O xurado decidiu por unanimidade conceder o 1º premio a 

ZONAS DE TRÁNSITO  de Marcos Nine


Categoría Mellor Curta da X edición 

Porque cunha estrutura limpa e sobria logra establecer unha conexión de carácter antropolóxico e sociolóxico entre o diario dunha vila e a poesía, e conseguindo que cada unha dos actos en que se divide teña entidade propia sen que se rompa a narrativa.

O xurado decidiu por unanimidade conceder o 2º premio a

CATRO ESCENAS DUNHA VILA de Xoán Fernández  




Categoría Centros de Ensino


Polo seu valor informativo e didáctico cheo de frescura sen deixar de presentar o lado lúdico da celebración do Día das Letras,  coa complexidade que supón a intervención dun número tal elevado de alumnado.

O xurado decidiu por unanimidade conceder o 1º premio a

CARVALHO CALERO. LETRAS GALEGAS 2020  do IES ARZÚA

Categoría Centros de Ensino

Pola súa calidade estética e o seu fermoso traballo de pos-produción cun resultado visual e plástico case hipnótico en que o texto queda totalmente integrado.

O xurado decidiu por unanimidade conceder o 2º premio a

FIESTRA Ô MAR E Â CIBDADE. CARVALHO CALERO  do IES MARÍA SOLIÑO 

Así mesmo o xurado decidiu conceder un accésit a

CATOIRA STYLE do CPI PROGRESO-CATOIRA 

Nov 292020
 

E quen mellor para pechar esta serie de vídeos sobre Carvalho que a voz do propio autor?

O video recolle 38 minutos da entrevista que, por encargo da AS-PG e durante case tres horas, realizou a Carvalho Calero Francisco Salinas e que permanecía, videograficamente falando, inédita. A entrevista foi feita en 1989 e é, con toda seguridade, a derradeira entrevista dada por Carvalho que morreu en 25 de marzo de 1990.

Este vídeo forma parte das XXIX Xornadas de lingua e literatura organizadas pola CIG e a AS-PG. Ambas as organizacións poñen en aberto os materiais das mesmas.

Nov 252020
 

O xurado do X Certame de Curtas da AS-PG formado por

  • Roi Carballido, produtor Filmika Galaika
  • Anxa González Refoxo, catedrática de Lingua e Literatura Galega e guionista
  • José María Rodríguez Armada, proxeccionista e restaurador no CGAI-Filmoteca de Galicia

Acordou por unanimidade declarar finalistas desta X edición do Certame

  1. Na categoría Mellor Curta da X edición

CATRO ESCENAS DUNHA VILA, Xoán Fernández Diz

POETISAS DE SEU, Omar Rabuñal

ZONAS DE TRÁNSITO, Marcos Nine

  1. Na categoría Centros de Ensino

CARVALHO CALERO. LETRAS GALEGAS 2020, Sabela Fernández e Maca Rocamonde (IES ARZÚA)

CATOIRA STYLE, Olalla Otero Payno (CPI PROGRESO-CATOIRA)

FIESTRA Ô MAR E Â CIBDADE. CARVALHO CALERO, Luz Beloso (IES MARÍA SOLIÑO)

O acto de entrega de premios terá lugar o día 9 de decembro. Será retransmitido de maneira virtual debido á situación sanitaria.

Nesta bitácula publicaremos a maneira de unirse a dita entrega.