Na coba de Rosalía. Ramón Otero Pedrayo.
Mingoante malencóneco de outono
Envolveito en farrapos de neboeiras
¿Buscas, quizáis, n’un febrecente ensono
A céltiga deidá das carballeiras?
Ouvean, medoñentos, cás sin dono.
Bailan rondas de bruxas nas xesteiras
E pasa da estadea o grave tono
N’un tristeiro ruxir de follateiras.
Rachando os vidros da mañá frieira
Batelan as campás na louxanía…
E di o luar: “miña lús derradeira,
Meû morto crarexar antes do día.
Soilo busca con pena silandeira
A coba donde durme Rosalía!”
Otero Pedrayo, Ramón (1931) in Revista Internacional. O Soneto Neo-Latino. tomo IV (Vila Nova de Famaliçao).