-Ti, a feiticeira e branca como as neves,
i a linda antre as millores;
ti, arrededor de quen, cal as abellas
a redor dunha rosa, andan os homes,
(xente que o mesmo acaso que as mulleres
é dada a toda crase de traizoes);
non queiras en jamás, se es queridora,
non dones en jamás, mas que chen donen;
se é que te firen, miña prenda, rite,
se é que te engañan, meu amor, non chores.
Ve que pasou o tempo das Corinas,
i o máis que ora se sofre,
só porque non se diga,
é rabiar canto un pode.
-¡Rabiar no máis... dixera que mentides!
-Si, si, rabear ben forte;
mas ca rabia picante e aguilloeira
que é salsa apetitosa das pasioes.
¿Que fora, ¡ouh Dios!, sin os asentes feros
dos estómagos probes?
Dos corazós do día,
¿Que fora sin as rabias, meu amore?
Ti, a feiticeira e branca como as neves
Posted by admin on Outubro 27, 2010
http://bitaculas.as-pg.gal/literaria/2010/10/27/ti-a-feiticeira-e-branca-como-as-neves/
Previous Post
Que ten?
Que ten?
Next Post
Ruínas ( Armonías da tarde)
Ruínas ( Armonías da tarde)
Comments are closed.